100 години стар театар претворен во најраскошната книжарница на светот (фото)

Детали

сабота, 23 декември 2017

Во престолнината на Аргентина се наоѓа една од најраскошните книжарници на светот.

Една од задолжителните станици во разгледот на Буенос Аирес е познатата книжарница „El Ateneo Grand Splendid“. Таа е идеална дестинација за дружење со книгите.

Нејзиниот импресивен ентериер е дело на архитектите Перо и Торес Арменгол и таа го задржала автентичниот и величествен изглед на речиси 100 години старата театарска зграда во која е направена.

Оригиналната зграда е отворена во мај 1919 година и како и целата архитектура од таа доба била украсена со богати, класични детали, впечатливи столбови и раскошни цртежи на таваните.

Иако културниот живот во престолнината на Аргентина бил многу богат, овој раскошен театар бил претворен во кино, а во 2000 година во книжарница.

Архитектите при приспособувањето одлучиле да ја задржат и раскошната црвена завеса, карактеристична за секој театар.

Почувствувајте дел од атмосферата во оваа прекрасна книжарница:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело