Скоцкан гламур во 40m²: Елегантен стан за млада деловна дама

Детали

недела, 31 декември 2017

Ви се чини ли дека вашиот животен простор станал презгужван, пренатрупан и премал за сите потреби, желби, навики и планови? Не мора да биде така.

Како би реагирале кога би ви кажале дека во овој убав стан од 40 метри квадратни, сместена е кујна, трпезарија, дневен престој, спална соба и бања? Притоа, скоцкан е гламурозно, а испланиран мошне промислено и функционално, со минимални отстапки.

Животот во дом со скромна квадратура навистина може да биде комфорен, удобен и практичен, а во крајна линија - среќен. Само треба да следите одредени правила, па сите маани паметно да ги претворите во негови предности.

Иако е со лимитирана површина, внимателно осмислениот проект ѝ овозможил на архитектката Ира Акименкова да ги смести мнозинството потребни зони во домот, креирајќи отворен распоред со засебна бања.

Дизајниран е за млада деловна жена, која сакала модерен и елегантен ентериер, со вградени елементи за складирање на предметите, спуштени плафони и пријатен текстил. Нежната палета на бои и светлите површини, пак, претставуваат главни карактеристики на овој стилски уреден стан.

Ѕирнете во неговата внатрешност и инспирирајте се од прекрасните идеи што ги нуди:

М. А. | Црнобело