Гламур и луксуз: Фиренца го доби својот прв Гучи ресторан

Детали

понеделник, 15 јануари 2018

Познатиот моден бренд Гучи направи чекор кон нови искуства. Имено луксузниот бренд го реновираше и повторно го отвори својот поранешен музеј под ново име: Гучи Гарден.

Новиот комплекс кој се наоѓа во Фиренца, Италија, го презентира првото искуство на брендот во прехранбената индустрија. Така во концептуалната продавница на Гучи, освен бутикот и изложбениот простор, отворен е и првиот ресторан од висока класа наречен Гучи Остерија.

Ресторанот го води готвачот Масимо Ботора и се предвидува дека овој локал ќе стане еден од најжешките дестинации во градот. Новото мени е богато со италијански класици на кои е невозможно да одолеете.

Влезот во Гучи Гарден чини околу 10 долари, но доколку сакате да уживате во вкусните Гучи-оброци, тогаш задолжително треба да направите резервација.

Како изгледа новата луксузна локација, погледнете сами:

С. У. | Црнобело