10 прекрасно уредени соби од 10 различни земји во светот

Детали

недела, 28 јануари 2018

Кога станува збор за внатрешното уредување на домовите, секоја земја има некој посебен белег по кој се издвојува од другите.

Јапонија, на пример, е следбеник на чистите линии, уредните простори и минимализмот. Во Шпанија и Мексико колку повеќе бои ќе внесете во домот–толку подобро.

Французите секогаш додаваат мала доза на рустичност во просторот, а како изгледаат останатите домови во светот?

Погледнете ги овие 10 прекрасно уредени соби и послужете се со инспирација за вашето следно уредување на домот:

Јапонија

Кога станува збор за чист елегантен минимализам, никој не го прави тоа подобро од Јапонците. Преферираат природни материјали како во случајов дрво, за креирање на кохезивни удобни простории.

Израел

Овој модерен апартман во Тел Авив во себе го носи влијанието на училиштето за архитектура и декоративна уметност Баухаус кое функционирало во Германија од 1919 до 1933 година. Баухаус претставувало појава на нешто сосема ново, а денес се смета за посебен архитектонски стил на уредување.

Австралија

Големи прозорци од под до плафон, многу светлина, живописни бои. Овој простор е типичен пример за сè што има Австралија да понуди во поглед на ентериерот.

Шведска

Оваа прекрасно избалансирана кујна/трпезарија во Шведска со терацо остров кој ја врши поделбата потврдува дека не треба да имате многу парчиња мебел во домот, сè додека истите се впечатливи и квалитетни.

Јужна Африка

Во Јужна Африка сè повеќе се чувствува влијанието на индустрискиот стил на уредување, а овој апартман со невообичаен камин на средината на собата го потврдува тоа.

Мексико

Домот на мексиканскиот скулптор Педро Рејес и модната дизајнерка Карла Фернандез е еден вид уметничко дело со библиотека за која сите сонуваме.

Белорусија

Ова е всушност канцелариски простор, но иако не станува збор за простор за домување, сепак сопствениците сметале дека е важно да се внесе живот и боја во местото, со смела и уметничка естетика својствена за регионот во кој живеат.

Франција

Провансалскиот дом е сè освен едноставен. Прекрасниот современ ентериер е дополнет со рустичен контраст од природни материјали.

Шпанија

Многу боја, зеленило и мек заоблен мебел доминираат во шпанските домови за едно пријатно лежерно чувство каде што паузата е задолжителен дел од вашиот ден.

Португалија

Португалците умеат да направат одличен баланс создавајќи урбана оаза за одмор со микс од модернистички мебел додавајќи неутрални бои и материјали.

Која соба е вашиот фаворит?

(О)Милена | Црнобело