Модерно и младешки: Супер станче за двојка со мало дете (фото)

Детали

недела, 15 април 2018

Едноставност, комфор и функционалност се трите придавки кои најдобро го опишуваат ентериерот на овој прекрасен дом.

Животниот амбиент во голема мера се одразува на здравјето и психичката состојба на луѓето. Затоа е од особена важност да се создаде хармоничен ентериер, кој ќе зрачи со пријатна атмосфера.

Токму тоа била желбата на брачната двојка со мало дете, во чија сопственост е домот што ви го прикажуваме. Станува збор за нов трособен стан со типичен распоред, каде сѐ е подредено на желбите на младото семејство.

Кујната и дневната соба се поврзани со ходникот, поради што светлината непречено циркулира низ ентериерот.

Спалната соба, пак, располага и со мини гардеробер во кој може да се чекори. Површина за складирање е обезбедена и во коридорот што ги поврзува собите.

Дизајнот е минималистички. Шемата на бои е мека и неутрална, а акцентот е ставен на текстилот и зеленилото.

Притоа, светлите ѕидови максимално го истакнуваат декорот во скандинавски стил, оставајќи простор и за креативноста на станарите.

Посебно ни се допаѓа примената на бела цигла, топлите дрвени елементи и колоритните плочки. Резултатот е извонреден. Урбано, стилски и без претерувања – баш по мера за убаво расположение.

Впрочем, погледнете ги фотките во продолжение, па пресудете сами:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

M. A. | Црнобело