Љубов во 35 метри квадратни: Стилска гарсониера за млада двојка (фото)

Детали

недела, 27 мај 2018

Со неутралната палета на бои, како и примената на стакло во дизајнот, просторот делува компактно и максимално пријатно за престој. Наспроти малата површина, изненадува со големите идеи што ги содржи во ентериерот.

Иако има само 35 метри квадратни, овој мини стан е опремен со сите елементи што ги содржат и далеку попространите домови. Сепак, воопшто не делува натрупано. Напротив.

Амбиентот е убав и функционален, со доволно место за седење и дружење. Преуреден е согласно желбите на младиот пар што живее во него.

Станарите водат активен социјален живот, па често ги посетуваат пријателите. Главна карактеристика на гарсониерата е неутралната палета на бои, како и стаклените прегради, кои суптилно ги издвојуваат дневната и ноќната зона. 

Стаклото е одличен материјал, бидејќи дозволува природната светлина непречено да циркулира, па и самиот ентериер изгледа воздушесто.

Што се однесува до складиштата, овде во целост е искористен често занемарениот вертикален простор. Високо сместените полици и фиоки им овозможуваат на сопствениците доволно површини за складирање на неопходните предмети.

Сѐ е скоцкано и паметно осмислено – баш по мерка за живот на љубовна двојка.

Од фотките во продолжение, ѕирнете како изгледа оваа мала стилска гарсониера, испирирајќи се од прекрасните идеи што ги нуди:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

M. A. | Црнобело