Во боите на морето и небото: Стан каде летото трае 365 дена во годината (фото)

Детали

понеделник, 02 јули 2018

Иако започна календарски, се чини како топлото годишно доба и понатаму да ја одминува нашата земја. Доколку сте носталгични по плажа и сонце, тогаш овој прекрасен дом дефинитивно ќе ве воодушеви.

Комбинацијата од сини нијанси и дезени, бели ѕидови и светли подови, плус некоја мирислива и свежа билка, претставува совршен избор на ентериер за сончевите денови. Едноставно ја обожаваме, бидејќи во просторот создава вистинска морска, воздушеста и опуштена атмосфера.

Еден таков е и станот што ви го прикажуваме денес, а инспириран е од нијансите на небото и морето. Дневниот престој е поврзан со трпезаријата, а го красат мноштво сини и бели детали, како и принтови. Големата стаклена врата кон терасата, пак, овозможува природната светлина непречено да циркулира.

Кујнските елементи се во рустичен стил, а со изборот на плочките се акцентира медитеранското чувство во амбиентот. И во трпезаријата е задржена истата палета на бои, надополнета со белата мермерна маса. Во станот има уште две соби – спална соба со брачен кревет и детска соба.

Во првата посебно внимание привлекуваат тапетите на ѕидот зад креветот. Детската соба е пространа. Сместени се два француски кревета на кат, а средишниот дел е осмислен за работа и игра.

Прекрасно, зар не? Ѕирнете ги сите фотки од станот каде летото трае 365 дена во годината:

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело