Airbnb овозможува престој во стилски реновираниот автобус од Spice World за 130 долари од вечер (фото)

Детали

петок, 17 мај 2019

Оригиналниот Spice автобус од филмот Spice World е целосно трансформиран  и стилски уреден, по што се изнајмува на Airbnb за 130 долари од вечер.

Автобусот од Spice World филмот од 1997-ма е комплетно реновиран и претворен во стилски апартман, а за тоа е заслужна девојка која е огромен фан на Spice Girls.

„Spice Girls ми беа опсесија во детството и филмот Spice World сигурно го имам гледано повеќе од 100 пати. А искрено, како што растев, мислам дека не ја надраснав љубовта кон нив. Кога мојот шеф спомна дека сака да го купи Spice автобусот, очајно сакав да бидам дел од реновирањето што ќе го претвори автобусот во дом.“ – изјавила девојката.

Автобусот е уреден со неколку кино седишта, голем телевизор и неонски светла со натпис „Girls Power“.

Спална соба, тепих со животински принт, многу пернички, мини дневен престој, маса за јадење, диско топки, списанија од ’90-ите и ЦД-иња и уште многу други работи кои ќе ги вратат назад во времето сите оние кои ќе престојуваат во него.

Автобусот, уреден како стилски апартман, ќе биде поставен летово во Лондон, а ќе може да се изнајми на Airbnb за 130 долари од вечер.

Гостите во него ќе мора да се придржуваат до следниве правила:

• Забранети се миленичиња
• Максимум број на гости – 3
• Забрането е пушење
• Дрес код – мода од ’90-ите
• Пожелни се селфи фотки на возачкото седиште
• Потенцирање на женска моќ 

Би престојувале ли во ово „Spice апартман“?

М. М. | Црнобело