За млада жена со вкус: Мини стан со трендовски детали (фото)

Детали

четврток, 06 јуни 2019

Што може да се постигне во скромни 35 метри квадратни? Со добар план и стилски идеи, вистинско чудо е одговорот.

Дизајнот на овој мал, но исклучително функционален дом го потпишува рускиот дизајнер Олег Минц. Младата станарка посакувала катче по сопствен вкус, богато со различни бои и други интересни финеси, коишто ќе ја разбиваат монотонијата на просторот. И навистина е така - целиот дише со стил и позитивна енергија.

Распоредот се состои од тесен ходник, дневна соба со поврзана кујна, потоа бања, како и посебна спална соба. Одлично пакување, со оглед на лимитираната површина на објектот. Креветот и вградениот плакар се одвоени од дневниот престој со бела непроѕирна завеса. 

Голем плус на зоната за спиење е надворешниот отвор кон ентериерот, што овозможува проток на природната светлина и амбиентот го прави повоздушест. Модерната бања е уредена со интересна комбинација на бела и кафеава боја, додека висината над машината за перење е практично искористена за складирање на облеката.

Ни се допаѓа и кул табуретката, нели? Кога сме кај декорациите, станчето е навистина полно со трендовски детали, црпејќи идеи од актуелните тенденции на Инстаграм и Пинтерест. Тие се всушност и најзаслужни за неговиот неодолив шарм.

Прошетајте низ собите на ова инспиративно мини станче за млада жена со вкус:

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело