Најстариот хотел на светот е управуван од истото семејство цели 1.300 години

Детали

петок, 02 август 2019

Хотелот Nishiyama Onsen Keiunkan во Кјото, Јапонија е стар повеќе од 1.300 години и доживеал многу подеми и падови. Но покрај староста, интересно е што хотелот го води истото семејство што го основало пред повеќе од еден милениум. Односно, хотелот го воделе 52 различни генерации од истото семејство.

Иако со текот на времето хотелот бил надградуван и реновиран, сепак успеал да ги задржи историската традиција и атмосфера. Бањата во хотелот била реновирана, но подовите, собите и прекрасните градини останале речиси недопрени. Покрај тоа, во хотелот нема ни Интернет.

Хотелот бил изграден во 705-та година, од страна на Фуџивара Махито. Во 2011-та година, хотелот беше официјално прогласен за најстар во светот од Гинисовата книга на рекорди.

Бањата на хотелот е во употреба уште од 705-та година, а во сите 1.300 години била посетена од многу познати лица, туристи, па дури и политичари.

Хотелот има 4 бањи на отворено и две во затворен простор. Водата доаѓа од 4 различни извори и содржи натриум, калциум нитрат и хлор.

Собите се уредени во јапонски стил, а од секој прозорец се гледа спојувањето на реките Хајакава и Јукава.

Спирова С. | Црнобело