Во домот на писателката Ксенија Николова: „Свеќите и венчињата за коса се моја слабост“

Детали

четврток, 23 април 2020

Од гардероберот во нејзината соба до катчето за вежбање, во кој дел од домот најмногу ужива Ксенија Николова?

Ксенија Николова, писател и текстописец, обожава слободните мигови да ги минува дома. Оваа вљубеничка во уметноста сака винтиџ детали, мирисливи свеќи и уникатни уметнички дела.

Го обожава својот простран гардеробер, а во последно време омилено ѝ е катчето за вежбање.

„Јас сум човек којшто ужива да го поминува времето дома, уживам во својот простор и во енергијата во него.

Обожувам свеќи, тие ме смируваат и ми даваат спокој. Сакам работи коишто ми значат и ме потсетуваат на убави нешта, така што во секој агол имам по нешто коешто ми носи спомени.

Обожувам и венчиња за коса, па имам посебен агол за нив.

Вежбам речиси секој ден и мојот дома е мое катче во кое ја исфрлам негативната енергија и се полнам со позитивна. Можеби тоа е моето омилено катче во последно време.

Пишувам на мојот кревет, потонувам во еден прекрасен свет и се препуштам на инспирацијата.

Во мојата соба преовладуваат виолетовата и розовата боја, затоа што животот го гледам низ таа призма“, вели Ксенија Николова за CRNOBELO.com.

На „гости“ кај Ксенија Николова:

• 
• 
• 
• 
• 
• 
• 
• 
•  

С. С. | Црнобело