Во домот на Ивана: Стилски дом на Македонка во Германија обоен во розово (фото)

Детали

сабота, 09 мај 2020

Во нејзиниот стан доминираат розовата, белата и сивата боја и има впечатливи детали од типот на реставрираната фотелја, стара можеби 100 години.

Ивана (34) веќе 6 години живее и работи во Германија. Таа има студирано во Бугарија, а таму завршила и курс за дизајн и рачна изработка на накит.

Потоа, во Македонија имала ателје за изработка на накит, па не е ниту чудно што е толку креативна во уредувањето на својот дом.

„Во Германија работам канцелариска работа, која не е многу креативна, туку повеќе организациска, па затоа дома ја ослободувам својата креативност.

Инспирација за уредување на ентериерот црпам од секојдневието, природата, а и Пинтерест (но, само за инспирација, не за копирање).

Го сакам модерниот мебел и стил, но имам и стари парчиња мебел, како што е на пример фотелјата, којашто е стара скоро 100 години. Но, со малку боја и фантазија доби нов изглед.

Боите коишто доминираат во мојот стан се бела, сива и розова.

Обожавам цвеќе, мирисливи свеќи, рамки и слики и тие се присутни во секоја соба од мојот стан. Многу често деталите ги изработувам и сама и тие парчиња ми се посебно драги.

Деталите често ги менувам, во зависност од периодот на годината.

Омилено катче летно време ми е балконот, имам многу цвеќе и грижата за него ми е некој вид бегство од секојдневието.

Зимно време, особено во празничниот период со елка и многу сијалички, најмногу време сакам да поминувам во дневната соба.

Уредувањето на ентериерот за мене е од големо значење и ми претставува огромно задоволство“, вели Ивана за CRNOBELO.com.

Во стилскиот дом на Ивана:

• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело