На гости кај Драгана Ѓорѓиевска: Совршено уреден стан во Гостивар (фото)

Детали

сабота, 12 септември 2020

И покрај тоа што има 2 дечиња домот на 30-годишната Драгана изгледа беспрекорно, владеат неутрални тонови, секој детаљ е на свое место, а таа со својата креативност на старите предмети им дава нов живот.

Драгана Ѓорѓиевска e креативна 30-годишна девојка која живее во Гостивар. Нејзиниот стан е уреден со многу љубов и внимание, а посветеноста на деталите јасно се гледа и од фотографиите.

Драгана има завршено Педагошки факултет, но уредувањето на ентериерот ѝ е хоби во кое е вљубена.

За CRNOBELO.com открива детали за уредувањето на нејзиниот стан од 83м2:

„Домот треба да биде место кое ви дава безусловна љубов, среќа, удобност и хармонија. Уште од најрана возраст во мене беше вткаена креативноста и интересот за создавање на нешто ново со некоја вредност.

Кога човек е опкружен со убави мисли и позитивна енергија, секогаш од тоа произлегува некоја убава творба. Креативноста е сè она што го носите во себе, а го изразувате на површина.

Јас ја сфаќам како спој на убавото во мислите. Сакам да сликам, убаво се чувствувам кога го правам тоа. Отсекогаш ме исполнувало да творам нешто. Од мала, од ништо правев нешто, а исто  и сега.

Ми годи естетиката и сѐ она што ме опкружува мене во домот. Креативноста е заразна и се пренесува на сите.

Многу ми е драго што добивам позитивни коментари  за уредувањето на мојот стан од мои пријатели, дел познати, а дел стекнати преку мојот профил на Инстаграм @gagagjorgjievska. Така мојата имагинација се пренесува и кај моите следбеници.

Она што мене лично ме исполнува и ми е главна инспирација за уредување на мојот дом е природата и светлината.

Да не го изоставам и скандинавскиот стил. Тој ми е љубов на прв поглед. Може да се забележи дека доминираат светли неутрални тонови. Секое катче зрачи со смиреност и топлина.

За да ние самите убаво се чувствуваме во нашиот дом, сметам дека е многу битно секогаш да биде прозрачно, пријатно и смирено.

Да не ги заборавам и моите балкони каде што уживам додека го пијам моето прво утринско кафе. Тука не изостануваат и моите цвеќиња кои го надополнуваат убавиот амбиент. Тие им даваат комплетна свежина. 

Не мора да значи дека секогаш предметите кои ги купуваме треба да се скапи за да домот ни изгледа убаво. Кај мене можат да се забележат многубројни DIY проекти кои ги изработувам со мојот татко. Морам да го пофалам.

Продолжува на следната страна...