Во домот на Маја Кикириткова: Семејна куќа во Скопје во која доминира златната боја (фото)

Детали

сабота, 02 јануари 2021

„Нашиот дом можам да го дефинирам како минималистички со лукс детали. Ја обожавам украсната трева пампас, па ја има скоро во секоја просторија“, открива 35-годишната Маја за нејзината семејна куќа од 280 метри квадратни во Ѓорче Петров.

Маја Кикириткова Трајковски, 35 години, по потекло од Штип, но живее во Скопје.

Со сопругот Александар, синот Лазар (3 години) и ќерката Ева (11 месеци) живее во населбата Ѓорче Петров, во куќа од 280 метри квадратни.

По професија е моден дизајнер, основач на брендот „Елеазар“, а од неодамна и „Совршен пар“, персонализирани меки кукли-животни, облечени во исто дизајнерско парче облека како и детето. Професор на ААБ Универзитетот во Приштина.

За уредувањето на нејзиниот дом таа открива за CRNOBELO:

„Со сопругот сме љубители на бела боја, дрво, бидејќи дава топлина, и златно како боја за деталите, па заеднични го смисливме целиот концепт за уредувањето на нашата куќа.

Тој повеќе беше задолжен за крупните работи, а јас за деталите, но сепак мора да кажам дека ова е еден заеднични проект.

Нашиот дом можам да го дефинирам, како минималистички, чист, со лукс детали. Ја обожавам украсната трева пампас, па ја има скоро во секоја просторија.

Омилена просторија во нашиот дом ми е дневната соба, бидејќи е голема и пространа и е поврзана со кујната во која готвам со задоволство.“

Повеќе фотографии од домот на Маја:

Повеќе фотки од домот на Маја на следната страна...