Во домот на Александра и Горан: Семејна куќа во Скопје во која амбиентот „има душа“ и личен печат

Детали

сабота, 27 февруари 2021

„Сакам кога амбиентот има душа, кога личи на луѓето што живеат во него, кога се гледа нивниот личен печат во просторот. Така знаете дека уживаат во своето катче, дека им е убаво кога се дома. А дома не е дома без книги, ние имаме голема библиотека, и многу слики, мои и од татко ми. Чуваме мачор и куче“, вели Александра од Скопје.

Александра Хаџи-Наумова Атанасовска, визуелен уметник и илустратор, и Горан Атанасовски, графички дизајнер, живеат во куќа од 120 квадрати во Скопје.

Нивниот дом е уникатно уреден и дефинитивно има карактер.

За уредувањето тие за CRNOBELO.com споделуваат:

„Веднаш штом почнавме да живееме заедно почнавме да реновираме и не застанавме.

Куќата е голема и има одличен распоред, со огромна дневна и трпезарија, голема кујна и застаклена тераса, која е многу пријатна за седење, особено во пролет и есен.

Имаме и дворче со многу растенија, со простор за седење под убава сенка, интимно и заградено со бршлен. Во разни периоди цветаат различни цвеќиња и секогаш е убаво и поинакво.

‘Јас сум визуелен уметник и илустратор. Боите ми се најважни и многу внимавам на деталите. Лично не сакам бели ѕидови, стерилен простор и јаки светла, не сакам ни да се врзувам за одреден стил.

Сакам кога амбиентот има душа, кога личи на луѓето што живеат во него, кога се гледа нивниот личен печат во просторот. Така знаете дека уживаат во своето катче, дека им е убаво кога се дома.

А дома не е дома без книги, ние имаме голема библиотека, и многу слики, мои и од татко ми. Чуваме мачор и куче, а имаме и многу цвеќиња, јас особено сакам кактуси.

Мислам дека изборот на бои и целосното уредување на куќата многу личи на нас, и горда сум кога луѓето го забележуваат тоа. Од самиот печаток замисливме да создадеме убава атмосфера, место каде што може и да се работи и да се ужива.

Просторот не е натрупан со мебел, секое катче е обмислено и најважно ни е атмосферата да биде топла, опуштена и удобна.

И двајцата вложивме многу време и труд во планирањето и создавањето на нашиот дом, огромен дел од работите ги направивме сами, затоа процесот траеше подолго, но резултатот што го постигнавме многу ни значи’, вели Александра за уредувањето на нивниот дом.

Продолжува на следната страна...