На гости кај Љупка: Стан во Струмица од 140m2 со луксузни детали во сребрена боја (фото)

Детали

сабота, 12 март 2022

„Од шивачките машини на баба ми направив трпезариска маса на која сум горда, а останатиот дел од мебелот ми е купуван парче по парче бидејќи обожавам различни стилови вклопени во една композиција. Секое утро пиеме кафе со најубавиот поглед во градот – познатиот баир Свети Илија и Царевите кули“, вели Љупка Абрашева Ѓоргев, менаџер во приватна здравствена установа, од Струмица за CRNOBELO.com.

Љупка Абрашева Ѓоргев од Струмица е магистер по економија и работи како менаџер во приватна здравствена установа, но се занимава и со изработка на модни парчиња. Нејзиниот сопруг пак има бизнис во САД и најчесто е на релацијата Македонија – САД, па одлуките за уредување на домот во најголем дел биле на Љупка.

Живеат во стан во Струмица со нивната ќеркичка Михаела.

За уредувањето на станот Љупка открива за CRNOBELO.com:

„Ако телото е храм на душата тогаш ’дома‘ е центарот на мојот свет. Домот се прави од тули и цемент, но вистинскиот дом го прават луѓето што живеат во него.

Среќен дом не бара орнаменти од богатство. Секое место може да биде дом додека си среќен таму, не попусто се вели.

Нашиот дом го градиме веќе четири години. Заедно со него и ние духовно созреваме и растеме и ја зацврстуваме нашата семејна среќа.

Секој детаљ од нашите 140 m² е дел од нас – од нашата идеја, замисла и карактер.

Во нашиот дом има многу детали кои се како албум со слики од детството. Од шивачките машини на баба ми направив трпезариска маса на која сум горда поради коментарите на моите пријателки кои седеле на истата.

Во тој стил е и фотељата на мојата баба Љупка, која ми ја подари за спомен од неа.

Мебелот ми е купуван парче по парче бидејќи обожавам различни стилови вклопени во една композиција. Уникатноста е мој препознатлив стил, а тоа најдобро го знаат тие што ме познаваат.

Продолжува на следната страна...