На гости кај Јована: Стан во центарот на Скопје со сиви, златни и крем тонови (фото)

Детали

сабота, 24 септември 2022

„Нашата приказна за изградба на заеднички дом започна пред неполна година. Со мојот сопруг имаме слични размислувања и вкусови, па не беше премногу тешко да се договориме што е она што ќе не направи среќни. Секако, во меѓувреме подготвувавме и свадба, така што активностите беа постојани, а нашите идеи за реализација бесконечни...“, раскажува Јована од Скопје за својот дом, каде што живее со сопругот Звонко, за CRNOBELO.com.

Јована, магистер по право, живее во стан во Скопје со својот сопруг Звонко.

Таа вели дека  најмалата ситница во уредувањето на домот ѝ е планирана и соодветно поставена.

Околу уредувањето на домот Јована открива за CRNOBELO.com:

„Во нашиот дом доминираат земјените тонови, со акцент на златната боја која асоцира на раскош и луксуз.

Комбинацијата на кафеави, сиви и крем тонови е совршено надополнета со детали кои сè уште ги средуваме, но полека се приближуваме кон целта.

Јас сум голем љубител на уникатни парчиња, па така огледалото надополнето со ЛЕД светла, е едно од моите омилени работи во домот. Тоалетот е со уникатни плочки кои даваат малку разноликост во просторот.

Ходникот е исполнет со голем лизгачки гардеробер, кој што е транспарентен и доволно простран. Секогаш препорачувам изработка на гардеробер на местата кои се достапни, особено кога станува збор за помали простори каде што е многу важна практичноста.

Продолжува на следната страна...