Дрвените врати добија нова, футуристичка димензија

Австрискиот уметник Клеменс Торглер со само еден проект целосно ја промени функцијата и обликот на стандардните врати.

Таканаречената Еволуциона врата, е необичен модел составен од 4 панели кој се отвора и затвора толку елегантно што за момент ќе помислите дека е изработен од хартија.

Постојат неколку варијации и модели на оваа врата која ги заменува стандардните, а секој модел по малку потсетува на оригами проект.

Моментално оваа врата е само пробен модел изработен од стакло, железо и дрво, но штом ќе излезе во продажба веруваме дека сите ќе ги замените дрвените врати со ваков штосен изум.