Детски душеци кои се прават брзо, а ќе ве спасат од грижи зимава

Куклите и автомобилите не се единствените играчки кои може да ги развеселат и израдуваат вашите деца.

Понекогаш дури и наједноставните работи, како на пример овој душек, може да бидат одличен начин да ги израдувате вашите деца и воедно да ги натерате да играат на топло.

Тој е одлично место за играње, но и за кратка дремка штом почувствуваат дека играта ги изморила и треба да соберат нова енергија.

Постапката за негова изработка е навистина лесна и едноставна. Сè што треба да направите е да ги следите чекорите...

Потребен материјал:

• 4 перници
• чаршаф
• ножици
• конец
• игла

Чекор 1

Земете 4 еднакви перници и поставете ги врз материјал, кој треба да биде двојно подолг од перниците. Не заборавајте да оставите малку дополнителен простор од секоја страна.

Чекор 2

Означете ги со креда линиите каде треба да завршува секоја перница. Потоа свиткајте го материјалот, водејќи сметка за дополнителните делови.

Чекор 3

Замотајте ги перниците со материјалот така што предниот дел ќе му биде однатре и зашијте го долниот и страничниот дел.

Чекор 4

Превртете ја формата која ја добивте и вметнете ги сите 4 перници. На крај, зашијте ги претходно обележаните линии.

Ќе добиете удобен и мек душек кој вашите деца ќе го обожаваат. Тој може да се витка на најразлични начини и да послужи како место за игра или попладневна дремка.

М. С. | Црнобело