Фенг Шуи: Мириси кои привлекуваат љубов, среќа и пари

За да царуваат среќата и хармонијата, не е доволно само да го исчистите животниот простор, туку да ја избегнете негативната енергија и со соодветни мириси, советуваат фенг шуи експертите.

Доколку копнеете по љубов, среќа и пари, тогаш во вашиот дом треба да завладеат мирисите кои ќе го привлечат остварувањето на желбите.

Етеричните масла со арома на портокал привлекуваат среќа и задоволство, додека мирисот на бор привлекува пари и заштита. Камфорот, пак, ја отфрла негативната енергија.

Ако во домот имате етерични масла со арома на лимон или лимета, тогаш членовите на семејството ќе имаат контрола над емоциите и ментална стабилност, истакнуваат фенг шуи експертите.

Занесниот мирис на лаванда носи мир, додека мирисот на шумско овошје привлекува пријателство и љубов во вашиот дом.

За оние кои сакаат да пронајдат искрена љубов, мирисите на орхидеја и роза се вистинскиот избор, додека слатките ароми на ванила и цимет спречуват развод и носат среќа во бракот.

Изберете опојни мириси и поканете ги љубовта, среќата и благосостојбата во својот живот.

М. А. | Црнобело