Кај Ивана дома: „Белиот мебел ми е погодок, но изборот на ламинат ми е промашување“ (фото)

„Мат ламинатот во сива боја e големо измачување, бидејќи буквално најмалата прашинка на него се познава и многу тешко се одржува, a како добра одлука би рекла дека ми е и малата масичка во кујна, со што избегнувам постојано носење на чинии, јадење итн. од кујна во трпезарија.“, вели 35-годишната Ивана за својот стан.

Ивана (35) веќе 7 години живее и работи во Германија. Уредувањето на ентериерот ѝ е омилено хоби и во својот дом постојано прави драстични промени.

Ивана за CRNOBELO.com споделува кои се најпрактичните и најфункционални работи кои ги направила при уредувањето на домот, а кои најнепрактичните:

„Како едно од најголемите промашувања при уредување на станот би рекла дека ми е изборот на ламинат.

Мат ламинат во сива боја, големо измачување, бидејќи буквално најмалата прашинка на него се познава, а и многу тешко се одржува.

Може сето тоа немаше да ми пречи толку многу, ако бојата не ми досадеше по кратко време. Но, за среќа со помош на теписи, успевам и тој недостаток, колку толку да го прикријам.

Така што моја препорака при избор на ламинат/паркет, бирајте во природни тонови, не трендовско бидејќи ламинат/паркет не се менува секоја година.

Доколку сега би правела кујна, дефинитивно би направила повеќе фиоки, а не шкафчиња. Фиоките ми се многу попрактични, додека шкафчиња колку и да се трудиш да бидат средени, во споредба со фиоките изгледаат многу понепрегледно и понеуредно, а јас бидејќи сум малку перфекционист во однос на подредување ми пречи таквиот неуреден изглед.

Но, во целост со кујната сум задоволна и среќна што не се одлучив за повеќе висечки шкафчиња (што прво го сметав за недостаток), бидејќи само би ја затвориле и би изгледала како и сите други кујни. А за складирање има сосема, доволно место.

Јас и не сакам да собирам работи што не ги користам, така што од сè што ми е непотребно и не го користам подолг период се ослободувам. Најважно е што е многу лесна за одржување и не се познаваат прсти на неа по секое отворање на шкафчињата.

Продолжува на следната страна...