Кај Александра дома: „Полиците со различна висина ми се погодок, но вградениот аспиратор ми е промашување“ (фото)

Димензијата на фиоките ја правев според организерите кои беа планирани за нив, не барав организери според фиоките.

На почетокот тоа делува комплицирано, но сега е сè перфектно вклопено.

Следно нешто од што сум презадоволна е тоа што целиот мебел е кренат на ногарки или прицврстен на самиот ѕид.

Интересно е што пред да се вселам купив робот за чистење (кој според мене исто така е must-have во секој дом), па наменски за него, го изведов и мебелот.

Немам проблем со задржување на прашината под мебелот. Порано за тоа се чекаше генералка, а сега секое чистење е генералка.

Исто така, многу ми беше битно да се искористи целиот простор во изведбата на кујната, шкафовите во спална и чевларникот во ходникот. Просторот е максимално искористен и секако, нема простор за таложење на прашината.

Светлиот под е исто така нешто што повторно би го одбрала, бидејќи е многу поблагодарен за одржување, за разлика од темниот.

Една од попрактичните работи во домот е флексибилната чешма на мијалникот во кујна, која се нагодува висински по потреба (ја има подолу на фотографија со мијалникот).

Исто така шкафчето за пеглање и складирање на непегланата гардероба е нешто што го искористив максимално во овие месеци, во секое време ми стои на дофат, а е прекрасен украс во домот.

Ако треба да издвојам неколку работи во домот кои ако се вратам од почеток веројатно би ги направила поинаку, со сигурност под број 1 би бил целосно вградениот аспиратор, кој го ставив од естетски причини, кујната да добие убав лик и да нема разлика во висината на вратичките.

Тотално непрактичен и нефункционален. Нема капацитет да ја собере целата пареа особено не онаа од предните рингли, бидејќи не е на извлекување.

Продолжува на следната страна...