„Пробав да ја држам диетата со која Клои Кардашијан ослабе 20kg – цел ден јадам и пак сум гладна“

„Ми се чини дека цел ден има само два оброка и сè друго е овошје и зеленчук“, „Ако здравите грицки се сметаат за оброци, значи јас јадам 12 пати дневно“ – стои во дел од коментарите за видеото во кое една девојка покажа како навистина изгледа диетата на Клои Кардашијан.

Минатата година, Клои и Ким Кардашијан привлекоа огромно внимание откако нагло ослабеа, а дел од медиумите почнаа да шпекулираат дека сестрите најверојатно ги извадиле имплантите, но и беа упатувани критики до нив затоа што промовираат нездрав начин на живот и слабеење.

Клои никогаш во животот не била послаба, а во една прилика таа ја откри и диетата што ѝ помогнала да ослабе 20 килограми.

Клои во минатото тежеше 74 килограми и беше сестрата што постојано добива критики упатени за нејзиното тело, а честопати беше вклучена во скандали со фотошопирање на нејзините фотографии.

По промената на режимот на исхрана и начинот на вежбање, ријалити ѕвездата ослабе околу 20 килограми и денес има околу 55 килограми.

Таа на критиките упатени до неа одговори дека целта не ѝ била да ослаби 20 килограми за 20 дена и затоа имала стриктно утврден план за исхрана, без млечни производи и јаглехидрати.

Иако таа тврди дека се чувствувала одлично додека се хранела по овој план, оние што ја тестираа нејзината диета воопшто не се уверени во тоа што таа го пласира како вистина.

Наоми Линејџ објавува голем број видеа на социјалните мрежи, а како голема обожавателка на сестрите Кардашијан, таа одлучи на еден ден да ја проба диетата на Клои за да види за каков начин на исхрана се работи и да покаже визуелно што ве очекува ако одлучите да ја следите нејзината диета.

Таа на YouTube објави видео во кое покажува како изгледало нејзиното искуство додека јадела како Клои.

Утрата на Клои започнуваат со протеински шејк, а бидејќи Наоми немала whey протеини, таа одлучила да користи мелено ленено семе, во комбинација со 1 лажица путер од бадеми и замрзнато овошје.

„Нејзиниот втор оброк во денот, што според мене е само ужинка, но таа го нарекува ’оброк‘, е банана или јаболко“ – разочарано вели Наоми.

Продолжува на следната страница...