Евтин трик за рамен стомак – Со јаболков оцет се губат до 8kg за помалку од 3 месеци

Според ново истражување, ако наутро пиете јаболков оцет, може да ослабите и до 8 килограми за 12 недели. Дали сте го пробале овој трик?

Изгледа дека некогаш наједноставните трикови се најефикасни кога станува збор за слабеење.

Нормално, за да се ослободите од вишокот килограми важно е да внимавате на исхраната и да бидете физички активни, но постојат и трикови кои можат да го забрзаат процесот на слабеење.

Од вашата баба можеби сте слушнале дека пиењето јаболков оцет наутро го поттикнува слабеењето.

А, сега се чини дека ова го потврдува и мало истражување.

Во истражувањето спроведено на Holy Spirit University of Kaslik учествувале 120 испитаници со прекумерна тежина.

Тие биле поделени во четири групи од по 30 испитаници.

Три групи имале задача секое утро да се напијат јаболков оцет.

Испитаниците од четвртата група пиеле „плацебо оцет“, односно течност со мирис и вкус на оцет.

Во период од 12 недели, секој од испитаниците водел дневник за исхраната и физичката активност.

На крај, резултатите покажале дека оние кои пиеле јаболков оцет наутро, ослабеле од пет до осум килограми.

Изгубените килограми зависеле и од количеството јаболков оцет. Односно, оние кои пиеле по пет милилитри дневно ослабеле најмалку, а оние кои пиеле помеѓу 10 и 15 милилитри ослабеле најмногу.

Кај четвртата група било забележано слабеење од 0,3 килограми во просек.

Иако резултатите се ветувачки, авторите на истражувањето сепак истакнуваат дека е направено врз мал број испитаници.

Исто така, периодот од 12 недели е многу краток за да се воочат долгорочните ефекти.

„Овие резултати укажуваат дека јаболковиот оцет можеби има потенцијални придобивки за подобрување на метаболичките параметри поврзани со дебелината.

Јаболковиот оцет би можел да биде додаток во исхраната за слабеење без несакани ефекти“, вели еден од авторите.

Не е познато што точно прави јаболковиот оцет за да го поттикне слабеењето, но постојат неколку теории - на пример, дека го намалува апетитот.

Се верува и дека јаболковиот оцет ги намалува триглицеридите и холестеролот, а ова било забележано и во новото истражување.

Значи, јаболковиот оцет можеби ќе ви помогне побрзо да се ослободите од вишокот килограми, но важно е да обрнете внимание и на исхраната и физичката активност.

Ако не ви се допаѓа вкусот на јаболковиот оцет, слободно разредете го со вода и испијте го така.

Но, секако, најдобро е да се консултирате со стручно лице пред да започнете ваков „експеримент“.

Спирова С. | Црнобело