10 најпребарувани диети на Google за оваа година

Грижата за добриот изглед и брзите начини да се изгубат неколку килограми плус не ја напушти женската глава ниту оваа година.

Па така, ако сакате да започнете некоја диета непосредно пред празниците, ова се најпопуларните 10 за 2013та година:

УН диета

УН диетата е водечка за оваа година. Трае 90 дена, започнува со протеински ден, потоа следи скробен, јаглехидратен и овошен ден, а потоа се враќате на протеинскиот. Редоследот на деновите не смее да се менува.

Причината за нејзината популарност се крие во нејзиниот опис - Диетата води до намалување на килограмите и до промена на метаболизмот, така што килограмите не се враќаат!

Зелка диета

Лесна за примена, диетата со зелка се одвива на следниов начин: Со главниот оброк, супа од зелка, може да комбинирате и домат, пиперки, пченица јачмен и сув грашок.

Кога веќе добро ќе го разработите системот на исхрана и ќе се придржувате до планот, дозволено е да воведете овошје, говедско месо, интегрален ориз и секаков зеленчук.

Зелката делува како диуретик кој го прочистува организмот, па затоа имајте на ум дека никогаш не смеете да претерате. Оваа диета е препорачлива на краток период, кога навистина ви е неопходно брзо прочистување.

Медицинска диета

Диетата се држи максимум 15 дена, за кои имате шанса да изгубите дури 10 килограми.

Составена е од 5 добро испланирани оброци богати со витамини и минерали, но и забранети оброци по 20 часот.

Хроно диета

Најважната карактеристика на хроно диетата е што никогаш нема да треба да се откажете од омилената храна, но под услов да ја комбинирате правилно и во зададени временски интервали.

Посебно интересно е тоа што оваа диета не ги забранува слатките, лебот и месото.

Аткинсонова диета

Диетата се состои од внесување на намирници кои содржат огромна количина протеини, но со едвај забележливи траги од јаглехидрати.

Во оваа диета внесувањето на протеини не е ограничено, така што дозволено е месо, риба, јајца, сирење, зеленчук, маслинки и здрави масла.

Но, алкохолот, шеќерот, јогуртот, овошното млеко, житариците, тестенините и сите производи од брашно се забранети.

Месечна диета

Месечната диета е детоксикација на организмот која се одвива по 24 часа во 1 месец.

Составена е од состојки кои имаат високо ниво на антиоксиданси и е многу слична со постите кои се карактеристични за претпразничниот период.

Протеинска диета

Фактот дека со држењето на оваа диета никогаш не сте гладни е главна причина за нејзината популарност. Се состои само од внесување на протеини.

За појадок тука се јајцата, сланината, колбасите и шунката, за ручек печено говедско, туна и интегрален леб, а за крај на денот вечерајте пилешко, свинско или риба.

Едноличната исхрана има идентични последици како и Аткинсовата диета.

Цитрус диета

Цитрус диетата подразбира денот да ви започне со портокал, а за ручек или вечера во вашата чинија задолжително да се најде и по едно парче двопек.

Диетата трае 15 дена, се состои од 3 петдневни циклуси и во просек се губат по околу 7 килограми.

Месна диета

Високопротеинската или месната диета повторно дозволува внесување на протеини, но строго се забранети јаглехидратите.

За диетата не постојат посебни рецепти, само е важно да се консумираат исклучиво месни намирници, а сè останато вклучувајќи го овошјето и зеленчукот да се исфрли од исхраната.

Дукан диета

Оваа диета се состои од 10 фази. Во првата се внесуваат протеини, во втората полека се воведува зеленчук, третата допушта и внесување на овошје и интегрален леб.

Четвртата е идентична како и првата, петтата како втората и така натаму сè додека не дојдете до бројот 10.