Диета која го полуде целиот свет

Хроно диетата е креирана од страна на францускиот доктор Ален Делабос кој изучувал „Хроно Билогијa“ и своите сознанија ги применил и на човековата исхрана.

На што се базира? Во основа вашето тело работи различно во различни временски периоди и ја обработува храната која ја внесувате во зависност од временскиот период во кој ја консумирате. Меѓу другото, секое тело е различно по големина, облик и структура на коски па и количината на внесена храна треба да се разликува.

Во Хроно диетата треба да го почитувате правилото на комбинирање на храната. Протеините и јаглехидратите ги внесувате само наутро за појадок.

Оброците не смеете да ги прескокнувате.

Важно е да имате три оброци и помеѓу нив разлика од 5 часа за да го регулирате нивото на инсулин и шеќер во крвта.

Добро е да практикувате и интервални тренинзи, а најдобра комбинација се брзото и бавното пешачење. Тренинзите треба да ги практикувате само наутро.

Производи кои треба да ги избегнувате се: млеко, шеќер, бело брашно и јогурт.

Оваа диета прилично бргу стана популарна, бидејќи со неа не се мачите да ги броите калориите кои ги внесувате, туку се придржувате до лесни правила.

Неколку правила:

1. Ако сте повисоки можете да јадете повеќе. Количината на храна која може да ја консумирате зависи од висината.

2. Колку ви се поголеми коските, толку помалку килограми треба да изгубите. Можете да видите колку се големи вашите коски со мерење на зглобот на раката. Просечна големина е 6cm.

3. За оние кои сакаат благо: Јадете храна која е составена само од јаглехидрати од моментот додека сте гладни до доцна попладне.

4. Можете да си дозволите 2 оброци по желба во текот на една недела.

5. Нема алкохол

6. Нема шеќер во кафето или чајот

7. Нема млеко или јогурт!

8. Никогаш не јадете ако не сте гладни.

9. Јадете една банана 1 час пред да започнете со тренинг

Мени по Хроно диетата:

Појадок

Јадете јаглехидрати, протеини и масти. Потребно е да избегнувате пченица или пченка. Дозволено брашно: јачменово, р’жано, од хељда, овесно... Дозволена ви е и сланина, но по можност да биде без адитиви.

Ручек

Треба да јадете протеини кои доаѓаат од телешко месо, свинско или јагнешко, но без јаглехидрати туку со зеленчук. Исто така, треба да јадете поголеми количини на свеж бел и зелен зеленчук во вид на салати.

Вечера

И овој оброк се состои од протеини, но полесни протеини кои доаѓаат од белото месо и рибата. Понекогаш можете да ги комбинирате и со младо сирење. И за вечерата треба да комбинирате зелен и бел зеленчук.

Благо:

Благите работи, па дури и овошјето смеете да го јадете само во попладневните часови, помеѓу ручекот и вечерата. Најдобар избор е темното чоколадо со 70% какао, како и сувото овошје.

Ако треба да намалите повеќе килограми:

Воведувате повеќе рестрикции. Нема ужина и благо, вклучително и овошје. Од исхраната се исфрлаат и сите зеленчуци кои се базираат на скроб.