Што јаде Кејт Хадсон во текот на еден ден?

Кога ќе ја погледнете Кејт Хадсон, веројатно ќе си помислите „ќе правам сè што прави таа, само за да изгледам како неа“ и нема да погрешите.

Кејт Хадсон тврди дека не се изгласнува, нема ригорозна диета до која се придржува, туку само навики кои со текот на годините сфатила дека и одговараат на организмот.

Ова се нејзините тајни:

Таа не го сака појадокот

Колку сите и да тврдат дека појадокот е најважен, Хадсон вели дека го прескокнува.

„Не сум од оние луѓе кои се будат гладни. Сфатив дека кога појадувам, јадам многу помалку во текот на денот.“

Повеќето утра Кејт се буди со шолја црно кафе и зелен шејк. После тренингот, кој варира од возење велосипед, до трчање или пилатес, пие протеински шејк.

Алкална диета

Хадсон се придржува до високо алкална диета, што значи дека ја избегнува киселата храна. 60% до 80% од калориите ги внесува преку тофу, јаткасти плодови, овошје и зеленчук.

Диетата значи дека од исхраната треба да го исфрлите месото, млечните производи, глутенот и шеќерите.

Не е 100% посветена на здравата исхрана

После протеинскиот шејк за појадок, Хадсон обично руча салата и има рана вечера. Таа се фокусира на малите порции и преферира растителни специјалитети.

Но, тоа не значи дека не скршнува од диетата.

„Ако излезам во ресторан со фантастична храна, јадам што ќе посакам еднаш неделно без да чувствувам грижа на совест.“

Нејзините најголеми „гревови“? Хавајска пица и безглутенски макарони со сирење.

Обожава кафе

Хадсон ги отвора очите со кафе и сè до пладне пие по неколку голтки. Ова е можеби најлесната навика која можете да ја присвоите.

М. Д. | Црнобело