Богата зимска диета - за слабеење и заштита од грипот


Богата зимска диета - за слабеење и заштита од грипот

Зимската диета ќе ви помогне да ослабете, но и да го подобрите имунитетот за да се заштитите од грипот и вирусите кои постојано се пренесуваат во овој период од годината.

bogata-zimska-dieta-za-slabeenje-i-zastita-od-gripot-1.jpg

Зимската диета ќе ви го збогати менито со здрави намирници кои ќе ве одржат поенергични.

Прв ден

Појадок: 6 лажици корнфлекс, шолја јогурт, јаболко

Ужина: Чаша свежо цедена лимонада со мед

Ручек: Мисиркина супа, мисиркини ролни, варена брокула

Ужина: Парче тирамису

Вечера: Шампињони на жар, црн тост леб, чај од камилица со мед

Втор ден

Појадок: Качамак со шолја пробиотски јогурт

Ужина: 2 кивија

Ручек: Јунешка супа, бифтек на ловечки начин, парче црн леб

Ужина: Парче пита од тиква

Вечера: Витаминска салата, парче црн леб, чај од мајчина душица со мед

bogata-zimska-dieta-za-slabeenje-i-zastita-od-gripot-3.jpg

Трет ден

Појадок: Парче пита со младо сирење, шолја кефир

Ужина: Чаша свежо цеден сок од портокал

Ручек: Шницла, супа од моркови, парче ‘ржан леб

Ужина: 2 мандарини

Вечера: 2 варени јајца, парче црн леб премачкан со путер, зелен чај

Четврти ден

Појадок: Интегрална кифла со сусам, шолја јогурт

Ужина: Печена крушка

Ручек: Пастрмка на жар, варена блитва со лук, парче црн леб

Ужина: Чинија сутлијаш

Вечера: Капрезе салата, црн леб, чај од шипка со мед

Петти ден

Појадок: Црн леб премачкан со путер и џем од диви капини, чај од коњско опавче со мед

Ужина: Чаша сок од домати зачинет со парчиња нане

Ручек: Телешка чорба, телешка шницла на жар, варен морков, парче ‘ржан леб

Ужина: ½ црвен грејпфрут

Вечера: Леб од банана

bogata-zimska-dieta-za-slabeenje-i-zastita-od-gripot-2.jpg

Шести ден

Појадок: Енергетско смути со банана, шумско овошје и јогурт

Ужина: Печено јаболко со малку мед и зелен чај

Ручек: Пилешка супа, пилешко филе со мед и зачини, парче црн леб

Ужина: 2 кивија

Вечера: Палачинка со младо сирење, шолја кефир

Седми ден

Појадок: Проја, шолја пробиотски јогурт

Ужина: Неколку индиски ореви

Ручек: Мусака од компири, зелена салата со лимон и маслиново масло

Ужина: 2 мандарини

Вечера: Брускети со чадена туна, црн чај

Рецепти:

Бифтек на ловечки начин

Состојки:

  • 300g бифтек
  • 1 лажица доматно пире
  • 1 домат
  • 50g шампињони
  • Лист зелена салата
  • 1 главица кромид
  • 2 чешниња лук
  • 1 шолја кисела павлака
  • 10g путер

Бифтекот исечкајте го, посолете го и прелијте го со масло. Нека отстои 1 час. На путер испржете го од двете страни. Извадете го, па во останатото масло додадете го исечканиот кромид. Кратко потоа и лукот и шампињоните. Динстајте, па додадете ги доматите и доматното пире, малку вода, па ставете го месото. Динстајте 10-тина минути. На крај ставете ја и павлаката. Сервирајте на лист марула со ситно сечкан магдонос.

bogata-zimska-dieta-za-slabeenje-i-zastita-od-gripot-4.jpg

Брускети со чадена туна

Состојки:

  • 2 домати
  • 3 листа рукола
  • 1 чешне лук
  • 2 парчиња леб
  • 3 лажици маслиново масло
  • 50g чадена туна
  • 1 лажица путер

Лебот испечете го додека не добие крцкава кора. Исечете го доматот ситно на коцки, додадете ја сечканата рукола, ситно сечканиот лук и зачинете со босилек по желба. Измешајте го и маслото во смесата. На препеченото лепче ставете малку путер, ставете по 1 лажица од доматите и одозгора ставете лист чадена туна.

Мисиркини ролни

Состојки:

  • 1 парче мисиркино месо
  • 5 свежи шампињони
  • Праз
  • Малку путер
  • Неутрална павлака
  • ½ главица кромид
  • 1dl бело вино

Ситно сечканиот кромид испржете го на путер, па додадете половина од сечканите печурки и дел од празот, исто така ситно сечкан. Посолете, зачинете и пржете. Пилешкото месо наполнете го со филот и направете ролат. Преостанатите шампињони и праз допржете ги во тава и додадете бело вино. Исцедете. Во течноста ставете ја павлаката и зачинете. Добро промешајте. Прелијте преку месото.

Капрезе салата

Состојки:

  • 100g моцарела
  • 2 домати
  • Малку босилек
  • Маслиново масло
  • Песто

Доматите и моцарелата исечете ги на кругови, па редете: парче домат, парче моцарела, малку песто, па лист босилек. Прелијте со маслиново масло.

bogata-zimska-dieta-za-slabeenje-i-zastita-od-gripot--6.jpg

Леб од банана

Состојки:

  • 1 мека банана
  • 1 шолја шеќер
  • 1 шолја масло
  • 1 шолја брашно
  • 1 јајце
  • Малку сода бикарбона
  • Малку прашок за печиво
  • Цимет
  • Индиски оревчиња

Направете тесто од шеќерот, маслото, брашното и јајцата. Додадете ја содата и прашокот за печиво. Бананата исечете ја на кругови и неа додадете ја во смесата. Распоредете во тава подмачкана со брашно и печете 35 минути на 180 степени. Кога лебот ќе биде готов, оладете го и пресипете со цимет и мелени индиски ореви.

М. Д. | Црнобело

Би можело да ве интересира:

3-дневен план на исхрана кој ќе ве подготви за на плажа Aко сте во потрага по брз и ефективен начин на слабеење пред да облечете бикини,...
Тридневна војничка диета со која ќе „стопите“ 4 килограми Војничката диета се базира на исхрана во мали оброци, внимателно осмислени за да...
План за диета како на стјуардеса која трае само 4 дена Не е тајна дека стјуардесите мора да бидат витки и затегнати како би ја добиле р...

Најчитани неделава