Што прави Џенифер Анистон за на 48 да изгледа како да има 28 години?

Џенифер Анистон неодамна го прослави својот 48-ми роденден во Мексико заедно со сопругот, Џастин Теру, на плажа.

А, од бикинито се виде нејзиното совршено извајано тело кое повеќе изгледа како да припаѓа на 28-годишна девојка, a не на 48-годишна жена.

Но, како го постигнува тоа?

Нездравите задоволства ги комбинира со здрави производи

Анистон признава дека е зависна од тестенини, ама никогаш не ги јаде, туку ги заменува со разни зеленчуци. „Имате тиквички и модар патлиџан кои можат да бидат како тестенини. Додадете на нив сирења и добивате лазања или шпагети...“

Појадоците ѝ се преполни со здрави состојки

Анистон има три типа на оброци. Едниот подразбира смути од банани, протеински прашок, цреши, какао, млеко од бадеми и бадеми. Другиот јајца со едно парче тостиран леб и авокадо. Третата опција за многумина е чудна, но таа комбинира житарици со матена белка од јајце.

Одржува балансирана диета во текот на целата година

„Не дозволувам моите навики за јадење да излезат вон контрола, па повторно да морам да се враќам во форма“ - вели таа.

Комбинира вежби

Анистон вели дека комбинирањето и мешањето на различни типови вежби е тоа што не ја тера да се откаже, туку прави истото да и биде интересно и лесно.

Фрижидерот ѝ е полн само со здрава храна

Не само што има само здрава храна, туку истата и е и однапред подготвена за да може да ја јаде кога и да посака, без да посегне по нешто нездраво.

Н. Г. | Црнобело