11 мали чекори кои треба да ги научите напамет за да изгледате добро во бикини

Во лето постојано бараме план за исхрана или диета која преку ноќ ќе ни го избрише она што сме го таложеле цела година.

Бидејќи тоа е невозможно, важно е да се соочите со она што е реално изводливо.

А, овие 11 мали чекори се токму такви – лесни и изводливи, а ќе ве подготват за во бикини експресно брзо.

Поставете реални цели

Поставете мини цели за краток временски период. Тоа ќе ви даде поголема мотивација и помалку разочарувања. Не планирајте дека за 2 месеци ќе станете топ модел со 60 килограми.

Обилен појадок и лесна вечера

Едноставно е, сите ја знаеме „појадувај како крал, вечерај како сиромав.“

Идентификувајте кога сте гладни, а кога само жедни

Внимателно следете колку течности пиете во текот на еден ден. Кога и да почувствувате глад, прво испијте малку вода, па воочете дали сепак се работи за дехидратација.

Јадете малку, а често

Долгите паузи меѓу оброците ве тераат да се прејадувате и да јадете брзо. Ако јадете често, ќе јадете помалку.

Учете да готвите, секој ден

Не се вадете на тоа „не ме бива во кујна“.

Планирајте ги оброците на неделно ниво

Така нема да западнете во нездрава замка следен пат кога ќе влезете во супермаркет, бидејќи не знаете што ќе ручате денес.

Наградете се

Психолошки гледано, секогаш ќе го сакате она што „не смеете“ да го каснете. Затоа, не поставувајте строги граници.

Намалете ги порциите

Јадете од помали чинии и прелажете го мозокот.

Сите правиме грешки...

Прифатете ги моментите на слабост без да се обвинувате уште 5 дена потоа. Грешката е направена, време е да се вратите на здравата рутина.

Имајте позитивен став

Кога сте фрустрирани и на раб да се откажете, никогаш нема да успеете. Запишувајте го секој мал успех и ќе видите промена.

Насочете го стресот

И не кон храната. Најдете физичка активност која соодветно ве троши.

М. Д. | Црнобело