Што е флекситаријанска диета и зошто сите ја пробуваат?

Флекситаријанската диета во краток временски период стекна голем број на следбеници, но сепак има голем процент од луѓето кои не разбираат за што се работи.

Ако ве интересира како да си го подобрите здравјето, исхраната и притоа сакате да не се држите до ригорозни правила, проверете го називот флекситаријанство.

Како што и самото име укажува, се работи за флексибилно вегетаријанство.

Со други зборови, целта е да внесете повеќе зеленчук и житарки во исхраната, притоа да не го исфрлите месото целосно.

Оваа диета има и олеснителен психолошки момент – не мора никогаш повеќе да кажете дека нема да внесете месо, што може да ви ја отежни одлуката. Наместо тоа, денес ќе каснете месо, а во наредните два дена може да не почувствувате потреба за него.

Ако прифатите да бидете повремени вегетаријанци, ќе сфатите колку креативни може да бидете со изборот на намирници и рецепти.

Правила кои треба да ги почитувате ако сакате да станете флекситаријанци:

Во исхраната додадете тофу, јајца, мешунки, семки и јаткасти плодови.

Внесувајте големи количини овошје и зеленчук.

Дозволени се млечни производи, здрави шеќери и зачини.

Појадоците треба да содржат околу 300 калории, ручеците околу 400 и вечерите околу 500 калории.

На дневното мени додадете ужини од 150 калории, двапати во денот.

Протеините нека бидат со растително, а не животинско потекло.

М. Д. | Црнобело