Њујоршка диета: Популарен начин на исхрана кој го освои светот

Опседнатоста со диети владее низ светот веќе подолго време, а особено во последната деценија.

Нутриционистите секојдневно измислуваат нови, ефикасни режими на исхрана кои ветуваат брзо губење на килограмите.

Една од најпопуларните диети е таканаречената Њујоршка диета на познатиот фитнес тренер Дејвид Кирш за која многумина велат дека е мошне ефикасна.

Диетата се темели на храна богата со протеини и јаглени хидрати и поделена е во три фази:

Прва фаза:

Првата фаза трае две недели, а исхраната се базира на печурки, белки, ореви, лосос и зеленчук.

Не смеете да пиете алкохол, а забранети се и млечни производи, кафе и овошје.

Оптималниот внес на калории треба да биде од 800 до 1000 дневно.

Втора фаза:

И втората фаза на диетата трае две недели и во основа е иста како првата, освен што можете да јадете оброци со јаглени хидрати како на пример сладок компир, овошје, грав, грашок, леќа и слично.

Во оваа фаза се внесуваат од 900 до 1000 калории дневно.

Трета фаза:

Во последната фаза постепено се додаваат намирници кои биле забранети во претходните фази.

За време на диетата се препорачува редовно вежбање и физичка активност. Најдобро е да правите вежби за целото тело или да скокате на јаже.

Исхраната богата со протеини во комбинација со редовно вежбање секогаш дава одлични резултати.  

М. В. | Црнобело