Најчести грешки кои се прават при протеинските диети
Спонзорирано од:
Спонзорирано од ОгласиЗаРабота.мк
ВОЗАЧИ 27-03-2020


Најчести грешки кои се прават при протеинските диети

Протеинските диети во последниве години се едни од најприменуваните режими на исхрана, а интересот за нив сè повеќе и повеќе расте.

najchesti-greshki-koi-se-pravat-pri-proteinskite-dieti-01.jpg

Протеините се важна градбена супстанца во речиси секој орган од телото, а добро влијаат и врз косата, коските, кожата и т.н.

Но, многу луѓе не ги добиваат посакуваните резултати бидејќи од самиот старт прават помали или поголеми грешки:

1. Избираат нездрави извори на протеини

Не е само да се внесе потребната количина на протеини, туку важна е и храната. Секако, протеини има и во колбасите и во сланината, но сигурно дека не се здрав избор како што се телешкото, пилешкото или рибата.

Користете домашни млечни производи или такви кои ви се со познато потекло, јајца и секако, растителни протеини.

2. Забораваат дека има растителни протеини

Кога почнуваат протеинска диета, многу луѓе претеруваат со внесот на месо и риба. Она на што забораваат е дека има и растителни протеини, кои се дури и уште подобри отколку животинските, бидејќи имаат и растителни влакна, витамини и минерали.

Растителни протеини има во гравот, мешунките, семињата и печурките, а секои од нив носат со себе уште повеќе нутритиенти за здрав живот.

najchesti-greshki-koi-se-pravat-pri-proteinskite-dieti-02.jpg

3. Претеруваат со изедената количина

Протеинска диета не значи дека треба да се прејадувате со храна богата со протеини. Тоа може да има дури и спротивен ефект и да се складира како масти во телото или да ја наруши работата на бубрезите, што е сериозна здравствена закана.

4. Не пијат доволно вода

Без разлика на хемиската реакција што се случува во вашето тело по внесот на протеини, не заборавајте да пиете вода, бидејќи сега ви е потребна повеќе отколку во периодот на вообичаена исхрана.

Обрнете внимание на внесот на водата доколку сте физички активни. Без оглед на сè, останете хидратирани.

najchesti-greshki-koi-se-pravat-pri-proteinskite-dieti-03.jpg

5. Ја исфрлаат другата храна

Протеинска диета не значи дека треба да се фрлите само на месо, туку дека треба да го комбинирате и со зеленчук и житарици. Мастите, витамините, минералите и другите хранливи состојки се клучни за функционирањето на вашето тело.

Консултирајте се со нутриционистот во кој сооднос треба да ги комбинирате овие намирници.

6. Не вежбаат

Вежбањето и протеините можат да бидат одлични сојузници во корист на вашето тело. Затоа, откако ќе се навикнете на новиот начин на исхрана, вратете се и на вообичаеното темпо на вежбање.

Е. Д. | Црнобело

Би можело да ве интересира:

Диета за невести – 6-дневно мени со кое ќе бидете во форма до свадба Идните невести на кои им се ближи свадбата веројатно веќе паничат за изгледот и ...
План за поздрава исхрана, за сите кои се стрвни кога ќе видат пица или колаче Дали припаѓате во онаа група луѓе кои кога ќе видат печиво, чоколадо или колачи ...
Омилените славни дами споделуваат: Тајни за исхрана Ѕвездите секогаш изгледаат беспрекорно, но како им успева тоа? Покрај вежбањето ...