Диета за „чистење“ со омиленото зимско овошје – мандарини

Ако празничната еуфорија во домашна атмосфера ве „удри“ на јадење, време е да го пробате детоксот со помош на мандарини.

Мандарините се полни со витамини, одлични се за работата на цревата, го алкализираат телото, богати се со антиоксиданси и го намалуваат нивото на стрес – токму тоа што ни треба после празниците.

Како се спроведува диетата за чистење со мандарини? Ова се неколку правила:

- Не смее да се држи подолго од 2 до 3 дена.

- Не ги консумирајте мандарините на празен стомак. Пијте 1,5 до 2 литри вода на ден за да бидете хидрирани.

- Подгответе се за диетата неколку дена однапред – постепено намалете ги калориите кои ги внесувате и намалете го консумирањето на тешка храна, печива, зачини, за да не му направите шок на телото...

- Дозволен е 1 килограм мандарини дневно, не повеќе.

Менито отприлика би изгледало вака:

1 чаша млака вода штом се разбудите, па потоа појадок од 2 варени јајца и 2 мандарини. Може да додадете малку интегрален леб.

За ручек 1 чинија пилешка супа без тестенини или сварено бело месо со пиперки, краставици, домати или моркови.

За ужина 2 мандарини.

Вечерата би требало да се состои од зелена салата со свеж зеленчук.

За време на диетата треба да го следите телото и како тоа одговара на промената на исхраната.

Не ја започнувајте оваа детокс диета доколку имате проблеми со бубрезите, цревата, дебелото црево или жолчното ќесе, како и ако патите од гастритис.

М. Д. | Црнобело