По далгона и тоник-кафето, новиот хит пијалак е освежителна, кремаста лимонада (видео)

Социјалните мрежи во голема мера ги диктираат трендовите во секое поле, па и во храната и пијалаците. По далгоната и тоник-кафето, ова лето се појави уште еден хит пијалак. Сте пробале ли да направите кремаста лимонада?

Корисниците на социјалните мрежи го избраа хит кафето за ова лето, а сега сите се сконцентрирани на новиот освежителен пијалак.

Кремастата лимонада се разликува од обичната по тоа што има густа, пенеста структура, а сепак, според оние што ја пробале, го има истиот ефект да освежува.

Ако се следи основниот рецепт, поготовката на кремастата лимонада е мошне лесна, а корисниците на социјалните мрежи ветуваат дека станува збор за освежителен летен пијалак.

Состојки:

• 100g мраз
• ½ лимон
• 240 шлаг пена
• ¼ филџан кондензирано слатко млеко
• 12ml цеден сок од лимон

Подготовка:

Мразот, шлаг пената, кондензираното засладено млеко, сокот од лимон се ставаат во блендер и мешаме додека да добиеме кремаста лимонада.

Готовата лимонада може да се декорира со парчиња лимони и шлаг пена.

Иако, во основа ова е безалкохолен пијалак и не вклучува алкохол, сепак може да додадете малку рум, вотка, џин или виски и да добиете алкохолен коктел.

Во приложеното видео погледнете детално како се подготвува кремаста лимонада:

Погледнете уште неколку фотографии од подготвената кремаста лимонада:

Б. С. Б. | Црнобело