Моркови, компири, зелка – Како да ги изберете најдобрите (и најсвежите) овошја и зеленчуци?

Кај младиот компир, важно е да нема зелени дамки, додека кај бабурите, важно е да бидат сјајни и со поинтензивна боја.

Летото е сезона на овошје и зеленчук.

Секако, повеќето овошја и зеленчуци ни се достапни во текот на целата година, но дефинитивно највкусни се во летниот период, кога не ни имаме желба за потешка храна.

А, ако не секогаш ви успева да ги одберете најдобрите плодови во маркет или на пазар, сигурно ќе ви помогнат следниве совети.

Како да ги изберете најдобрите овошја и зеленчуци?

Ананас

Најпрво, помирисајте го ананасот – треба да има сладок мирис. Ако нема никаков мирис, тоа значи дека не е зрел, а ако има киселкаст мирис, најверојатно почнал да скапува.

Обрнете внимание ни на листовите – треба да имаат интензивна зелена боја и да бидат тврди.

Бојата на ананасот треба да биде зеленкаста, со жолта нијанса. Ако доминира жолтата или портокаловата боја, тогаш е презреан.

На крај, одберете плод што е потежок бидејќи тоа значи дека е посочен.

Лимета

Слично како ананасот, одбирајте ги плодовите кои се потешки бидејќи се посочни.

Кората треба да им биде мазна и сјајна.

Исто така, лиметата треба да биде тврда на допир.

Црвен кромид

Црвениот кромид треба да биде тврд и да има сјајна и тенка кора.

Не го купувајте ако има темни дамки или на некои места е омекнат.

Зелка

Одбирајте ги помалите зелки кои се тврди. Треба да бидат и потешки.

Надворешните листови треба да бидат сјајни и да изгледаат свежо, а не овенато.

Не купувајте зелка со темни дамки.

Продолжува на следната страница...