Храна која ќе ви помогне полесно да ги преживеете мачните симптоми на менопауза

Зеленчукот како брокула и карфиол, но и овошјето со темна боја содржи антивоспалителни состојки кои можат да ублажат многу од симптомите на менопауза.

За секоја жена, менопаузата е еден од потешките периоди од животот.

Хормоналните промени кои настануваат можат да имаат влијаени врз секој аспект од нејзиниот живот – од расположение, до болки и проблеми со здравјето.

Но, храната што ја внесувате, може да ви биде од некаква помош.

Намирници кои можат да ги ублажат симптомите кои доаѓаат со менопаузата:

Зеленчуци како брокула и карфиол

Овие зеленчуци ја поддржуваат функцијата на црниот дроб и можат да го регулираат нивото на естроген во телото.

Со ова, пак, можат да помогнат за симптоми како топлотни бранови и проблеми со концентрацијата.

Бидејќи се и антивоспалителни, генерално му годат на целиот организам.

Тропско и овошје со темна боја

Овошјето со темна боја, како боровинки и цреши, има антивоспалителни состојки кои можат да помогнат во низа симптоми, вклучувајќи и болки во зглобовите.

Тропското овошје, пак, има многу витамин Ц, калиум и други витамини и минерали, но и антивоспалителни состојки, па го прават идеално за жени во менопауза.

Храна богата со протеини

Здравите извори на протеини, како пилешко месо или риба, се идеални за жени во менопауза.

Јадењето доволно протеини ги одржува мускулите и силата, кои можат да ослабат по менопауза.

Важно е да се напомни дека треба да се фокусирате на поприродни извори на протеини, како пилешко, а не да се потпирате само на прашоци или храна со додадени протеини.

Растителни протеини

Исто важни се и протеините од растително потекло, односно храна како јаткасти плодови, тофу и семиња.

Протеините од растително потекло можат да го намалат ризикот од хронични болести, особено кај повозрасни жени.

Цели житарки

Овес, ’рж, интегрален ориз – сето ова е храна што му годи на организмот за време на менопауза.

Овие намирници се одличен извор на хранливи влакна кои се одбри за дигестијата, а исто така имаат и растителни протеини.

Содржат и комплексни јаглехидрати кои се добри за крвта и нивото на шеќер. Овие продукти го зајакнуваат и имунитетот.

Здрави масти

Здравите масти можете да ги најдете во храна како авокадо, јаткасти плодови и риба како лосос.

Додека треба да ги избегнувате заситените масти, здравите масти се неопходни за мозокот и можат да помогнат кај симптоми како проблеми со концентрацијата.

Исто така, даваат енергија, што значи дека ќе ви помогнат полесно да се справите со заморот.

Ферментирана храна

Ферментирана храна како јогурт и кефир е одлична за дигестивниот систем и може да ја намали подуеноста.

Му годи и на мозокот, што значи може да ја подобри концентрацијата.

Некои истражувања покажуваат и дека ферментирана храна има влијание врз серотонинот, што, пак, го подобрува расположението.

Вода

Водата не е храна, но важно е да се напомни дека е неопходно да пиете доволно, особено во менопауза.

Кога организмот е хидриран, симптомите ќе бидат ублажени, особено топлотните бранови.

Спирова С. | Црнобело