Улична храна која сите ја обожаваме во лето (во родниот град или кога сме на одмор)

Чичкото кој продава домашни ѓевречиња во подвижна количка со стакло низ македонските градови, но и тој чичко што продава крофни со крем или шеќер на грчките плажи, или оној кој пече клафчиња на скара по шеталиштата на туристичките места - улична храна која ја обожававме во лето како деца, но и ден-денес буди носталгија.

Кога бевме деца речиси сите ги обожававме вкусните јадења кои се продаваа по улиците и парковите. 

Иако дел од нив не се баш најздрава опција и многупати токму затоа ни ги забранувале, не може да кажеме дека не ни се скриено задоволство до ден-денес. 

Некои од нив е сосема во ред да си ги дозволиме, а некои иако е подобро да се избегнуваат, не значи дека не ни будат носталгија и убаво чувство кога ќе ги видиме и мириснеме. 

Улична храна која сите ја обожаваме во лето, независно дали сме во родниот град или на одмор: 

Домашни ѓевречиња од подвижен стакларник кои се продаваат низ улиците на нашите градови

Крофните кои ги продаваат во послужавници на грчките плажи

Шеќерна волна од Градскиот парк во Скопје (или кое било друго место)

Клафчиња пченка кои се печат на скара навечер покрај шеталишта на туристички локации

Мини американски крофнички со шеќер во прав и чоколаден прелив

Карамелизирани јаболка

М. М. | Црнобело

Фото: depositphotos.com / pexels.com