Моркови, компири, зелка – Како да ги изберете најдобрите (и најсвежите) овошја и зеленчуци?

Млад компир

Избегнувајте ги компирите кои имаат зелени или темни дамки.

Компирите треба да бидат тврди, а не ги купувајте ако забележите дека почнале да ’ртат.

Манго

Бојата на мангото зависи од видот, па не може секогаш да биде добар показател.

Затоа, обрнете внимание на изгледот на кората - треба да биде сјајна и бојата да биде интензивна.

Важно е и плодот да мириса слатко. Ако има киселкаст мирис, тогаш почнал да скапува.

Брокула

Брокулата треба да има интензивна зелена боја и да биде тврда.

Не ја купувајте ако има жолтеникава нијанса бидејќи тогаш е веќе презреана и може да биде малку горчлива.

Моркови

Морковите треба да имаа изразена портокалова боја, а кората да им биде потенка и сјајна.

Ако имаат многу пукнатини и темни дамки, но и ако се многу меки, најдобро не ги купувајте.

Ако сакате моркови со посладок вкус, тогаш купувајте поголеми.

Бабури

Бабурите треба да имаат мазна кора и интензивна боја, без разлика дали зелена, жолта или црвена.

Исто така, не треба да имаат темни дамки.

Препорачливо е и да ги избирате потешките бабури бидејќи се посочни.

Спирова С. | Црнобело