Гравот се потопува во сода – Кујнски трикови на ориенталните готвачи

Јајцата се пржат само во бакарни садови, а кафето треба да се вари двапати… Кои ориентални кујнски трикови може да ни користат и нам?

Често се вели дека ориенталната кујна е мешавина од бои и вкусови, а нивните кулинарски трикови не им се познати толку многу на западните готвачи.

Што е она што тие го прават поинаку, заради што нивните специјалитети имаат сосема поинаков вкус?

Лимон со сол

Кај нас најчесто лимонот се користи во чај, како додаток на риба, супи или во некои одредени јадења.

За оваа намена ние најчесто користиме свежи лимони, но готвачите во Мароко и во персиските земји користат конзервирани лимони од тегла.

За да ги подготват овие лимони, тие ги засекуваат, ги ставаат во тегла и ги прекриваат со сол и сок од лимон и ги оставаат да стасаат околу 1 месец.

Ваквите лимони се користат за салати и како додатоци во голем број специјалитети.

Имаат посебен начин на чистење на модрите патлиџани

Западните готвачи најчесто целосно ги лупат модрите патлиџани, затоа што се смета дека кората може да горчи.

Но, проблемот е во тоа што кога ќе го излупите модриот патлиџан и ќе го исечкате тој во готвењето омекнува и ја губи формата.

Затоа ориенталните готвачи отстрануваат само делови од лушпата на модриот патлиџан, со цел зеленчукот целосно да не „се стопи“ во готвењето.

Имаат посебен начин на варење на кафето

За разлика од нас кои само зовриваме вода и чекаме кафето набрзина да се крене и да се свари, во Турција постои посебен ритуал за подготовка на овој пијалак.

Традиционално, во Турција кафето се приготвува на песок или на жар затоа што тие сметаат дека пијалакот е највкусен ако се подготвува бавно.

Тие прво ја зовриваат водата со кафето и зачините и го оставаат да се олади. Потоа го загреваат уште еднаш.

Од тие причини, турското кафе е доста силен, ароматичен пијалак, кој се служи со локум и баклава.

Супа од јогурт

Кај нас јогуртот обично се служи студен и е одличен додаток со бурек и бели печива.

Во Турција, пак, мошне е популарна супата од јогурт, позната и како yayla çorbası, којашто се подготвува од јогурт, јајца и ориз, а се зачинува со ливчиња нане.

Постои посебна постапка за подготовка и процедување на јогуртот, со цел тој да не се претвори во урда додека се вари. Турските домаќинки прво убаво го процедуваат јогуртот низ газа, пред да почнат да ја подготвуваат супата.

Продолжува на следната страница...