Највкусните супи и манџи од земјите ширум светот што треба да ги пробате

Македонскиот грав, но и турската чорба позната како mercimek… Која е вашата омилена супа или манџа?

Супите и манџите се дел од секоја традиционална кујна.

И, иако основата на повеќето – како зеленчук и месо – може да биде иста, локалните зачини прават огромна разлика во вкусот.

Во продолжение, дел од највкусните супи и манџи од земјите ширум светот:

Vori-vori – Парагвај

Vori-vori е супа со месо, најчесто говедско или пилешко, кнедли од пченкарно брашно и кашкавал, како и зеленчуци.

Супата се зачинува со ловоров лист, каранфилче, магдонос, како и шафран.

Во Парагвај најпопуларна е во зимските месеци, а се служи топла, со рендан пармезан како прилог.

Iekei ramen – Јапонија

Рамен се однесува на јапонска супа со нудли и има разни варијации.

За една од најдобрите се смета iekei ramen која се прави со нудли, свинско месо и соја сос.

Во супата се додаваат и алги, праз и спанаќ.

Некои Јапонци сакаат да додаваат и лук, сусам, бибер и скиселен зеленчук.

Soto Betawi – Индонезија

Ова е индонезиска супа со парчиња говедско месо кои се варат во кокосово млеко.

Се додаваат зачини како куркума и коријандер, а супата често се служи со додатоци како домати, млад кромид, соја сос и крекери.

Sopa Tarasca – Мексико

Ова е всушност чорба со грав кој се вари со домати и пилешки булјон кои потоа се блендираат.

На крај се додава и павлака, а се зачинува со суви или свежи чили пиперчиња.

Mercimek çorbası – Турција

Ова чорба, или крем-супа, направена со црвена леќа, пилешки булјон, кромид и моркови кои се варат, а потоа се блендираат.

Се зачинува со сол, бибер и пипер.

Продолжува на следната страница...