Колку долго е безбедно да чувате зготвена храна во фрижидер (и како да познаете дали е расипана)?

Како правилно да ја складирате готвената храна во фрижидер?

Ако не ја складирате храната правилно, може да се расипе уште следниот ден.

Покрај тоа, ако на храната почнат да се развиваат бактерии, а не е во затворен сад, бактериите можат да почнат да се шират и на другите продукти во фрижидерот.

Кога ќе завршите јадење, веднаш ставете ја храната во добро затворен сад.

На овој начин, повеќето јадења ќе траат и до четири дена.

Други совети што треба да ги имате предвид:

- Не ставајте жешка храна во фрижидерот, но ставете ја најмногу два часа откако ќе ја зготвите.

- Чувајте ја готвената храна на најгорната полица, за да не дојде во контакт со други продукти, како живо месо. Исто така ова е најстудениот дел од фрижидерот.

- Наместете го фрижидерот на температура помеѓу еден и три степени Целзиусови ако внатре чувате готвена храна.

- Штом еднаш ќе ја стоплите храната, немојте пак да ја ставате во фрижидер, туку фрлете ја ако не ја јадете веднаш.

- Ако одмрзнувате храна, одмрзнувајте ја во фрижидерот – на собна температура може да почнат да се развиваат бактерии уште пред да се одмрзне целосно.

Како да познаете дали храната е добра за јадење?

Кога нешто е навистина расипано, секако дека ќе го забележите лошиот мирис.

Но, ако поминале три-четири дена и не сте сигурни, обрнете внимание на следниве знаци:

• Лигава текстура
• Состојките се одвојуваат многу лесно
• Забележувате промена на бојата
• Забележувате знаци на мувла
• Забележувате мала разлика во мирисот – храната треба да мириса исто како кога сте ја зготвиле

Спирова С. | Црнобело