Намирници кои се поздрави кога се замрзнати, според нутриционисти

Покрај тоа што ќе ѝ го продолжите рокот на траење, омега 3 масните киселини подолго се задржуваат во рибата ако ја чувате замрзната. 

Обично мислиме дека со замрзнувањето се намалува хранливата вредност на храната.

Вистината е дека во некои случаи, замрзнувањето помага да се зачуваат хранливите материи на храната.

Ова значи дека некои намирници се похранливи ако ги приготвувате замрзнати, отколку свежи.

Дел од нив во продолжение:

Месо и риба

Доколку не се замрзнати, рокот на траење на месото и рибата е краток.

Притоа, кога не се во замрзнувач, побрзо ги губат хранливите материи.

Кај рибата, пак, замрзнувањето е добро за омега 3 масните киселини бидејќи подолго остануваат „активни“.

Брокула

Замрзнатата брокула има повеќе витамин Б12 отколку свежата.

Истовремено, со замрзнувањето, и антиоксидантите во брокулата се задржуваат подолго отколку во свежата.

Некои видови грав

Генерално, хранливата вредност на гравот е исто без разлика дали е замрзнат или не.

Но, кога станува збор за азискиот грав познат како едамаме, тогаш е подобро да го купувате замрзнат.

На овој начин, витаминот Ц и фолатите во него ќе се задржат подолго.

Пченка

Кога пченката е замрзната, најдобро се здружува нејзиниот сладок вкус. Кога не е замрзната, нивото на шеќер се намалува и до 50% за 12 часа откако ќе биде набрана.

Покрај тоа, замрзнатата пченка содржи повеќе витамин Ц од свежата.

Лук

Лукот е богат со антиоксиданти, а истражувањата покажале дека замрзнатиот лук има повисоко ниво на антиоксиданти од свежиот.

Бобинки

Замрзнатите бобинки, како боровинки, јагоди и слично, е подобро да ги купувате замрзнати.

И во овој случај, тие имаат повеќе антиоксиданти отколку свежото овошје.

Спирова С. | Црнобело