Како да го избегнете дебелеењето во есен и зима (и да ослабите до летото)?

Внесувајте повеќе хранливи влакна кои ќе ве држат сити подолго време и ќе ви помогнат да го намалите апетитот.

Ако до следното лето сакате да ослабите, не треба да чекате да дојде мај за да преземете нешто.

Факт е дека во есен и зима дебелеењето е најчесто, па најпрво треба да го спречите ова за во лето да бидете задоволни од своето тело.

Притоа, трајното слабеење не е процес кој се случува преку ноќ.

Што значи, треба да почнете да работите на себе уште сега за во лето да видите резултати.

Како да го избегнете дебелеењето, но и да ослабите во текот на есента и зимата?

Избегнувајте одредени намирници

Не треба да се откажете од омилената брза храна за да бидете во форма.

Единствено треба да бидете умерени со неа.

Но, покрај мрсната и храната со многу јаглехидрати, постојат и други намирници кои можат да предизвикаат подуеност, особено ако имате проблеми со стомакот.

Овде спаѓаат намирници како зелка, грав и наут кои треба да ги јадете, но не секој ден.

Пијте многу течности, најчесто вода

Во зима се потиме помалку, па повеќето забораваат на внесот на вода.

Сепак, не треба да чекате да бидете многу жедни за да се напиете нешто.

Пијте многу течности и во зима, а наместо само вода, можете да пиете повеќе чаеви, секако, без шеќер.

Јадете повеќе супи

Топлите супи се идеални за есенските и зимските денови, особено како лесна вечера.

Супата ќе ве засити, а ако ја направите со многу зеленчук, ќе биде и навистина здрава.

Правете вежби за мускули и вежбајте кардио

Важно е да ги комбинирате двата типа вежби за најдобри резултати.

Додека кардио вежбите согоруваат калории и масни наслаги, вежбите со тежина ќе ви помогнат да ги зајакнете мускулите.

Доколку сте во можност, идеално е кардио вежбите да ги правите наутро бидејќи ќе ви дадат и енергија.

Вежбите за мускули, пак, правете ги навечер.

Внесувајте повеќе протеини

Протеините се важен дел од исхраната, особено ако вежбате.

Покрај тоа, протеините го забрзуваат и метаболизмот што дополнително ќе ви помогне во слабеењето.

Ако јадете месо, најдобро е да му давате предност на пилешкото.

Доколу не јадете месо, постојат одлични растителни извори на протеини како тофу, леќа, грашок, киноа…

Внесувајте повеќе хранливи влакна

Ако забележувате дека имате повеќе апетит кога во студените месеци, тогаш внесувајте повеќе храна со влакна.

Хранливите влакна подолго ќе ве држат сити, што значи помала е веројатноста да посегнете и по нешто друго.

Авокадото и компирите се одличен извор на хранливи влакна.

Спирова С. | Црнобело