План за детоксикација на телото во рок од 48 часа

Чувствувате замор и недостаток на енергија, подочниците никако не можете да ги покриете, а и кожата ви станува сува и крута... Сите овие знаци упатуваат на тоа дека детоксикацијата ви е неопходна.

Секогаш е вистинското време за прочистување на организмот, а покрај тоа пожелни се и честите прошетки, пливањето и краткиот тренинг.

Сега за сега, потребен ви е само овој план за потполна детоксикација во рок од 48 часа.

1 ден

Будење: Испијте 2,5 dl млака вода.

Појадок: Шолја овесни снегулки со лажица ленено семе, 2 dl млеко или диетален јогурт, ½ шолја шумско овошје, 2,5 dl негазирана вода, зелен или црн чај.

Ручек: Ослич на жар, блитва со компир на маслиново масло, 2 шолји зелена салата, рукола или домат со маслиново масло и сок од лимон, 1 мала банана, 2,5 dl негазирана вода.

Ужина: Јаболко, 1,8 dl обичен јогурт, ¼ шолја семки од тиква, 2,5dl негазирана вода.

Вечера: Парче туна печена на фолија (150g), 2 шолји салата со маслиново масло и лимонов сок, ½ шолја зеленчук на пареа, малку интегрален леб, 2,5dl негазирана вода, чај од анасон.

2 ден

Будење: Испијте 2,5 dl млака вода.

Појадок: Шолја овесни снегулки со лажица ленено семе, 2 dl млеко или диетален јогурт, зелен чај, крушка.

Ужина: Грејпфрут.

Ручек: Чорба од зеленчук (морков, грашок, кромид, лук, бибер, целер, домат), 200g печени пилешки гради, 150g краставица, 2,5 dl негазирана вода.

Ужина: Јаболко и 2,5 dl негазирана вода.

Вечера: Рендана салата од морков и цвекло со лимонов сок, интегрален леб, чај од коприва.