3 начини како да ја искористите кората од лубениците

За ладната, сочна лубеница сите сонуваме кога надвор е пеколно, но дали сте знаеле дека нејзината кора е исто толку здрава и вкусна како и срцевината?

Зелената кора од лубеницата е полна со витамин Ц, заради кој има кисел вкус. Покрај него содржи и витамин Б кој ви ги одржува косата и кожата здрави.

Откако добро ја измиете од сите нечистотии и пестициди, кората можете да ја користите на 3 начини:

1. Како сок

Исечкајте ја кората на мали коцки  и ставете ја во блендер. Додајте сок од лимон, грејпфрути, портокал, малку мед и измешајте. Ќе добиете освежувачки сок богат со витамин Ц.

2. Како слатко

Сигурно вашата баба и мајка добро го знае овој рецепт. На 1 kg кора оди 1 kg шеќер, кората се вари 2-3 пати 5 до 8 минути, па во последната вода се става шеќерот и се прави шербет. Се додава лимон исечен на парчиња кога слаткото е при крај, па потоа се лади и става во тегли.

3. Како пијалак за плодност

Чистиот сок од лубеница содржи голема количина цитрулин, аминокиселина која го поттикнува ширењето на крвните садови и на тој начин ја забрзува циркулацијата во интимниот дел. Доволно е само да ја исечете кората, да ја изблендирате и да додадете малку вода и мед по желба.