Суперхрана која треба да ја консумирате за поздрава 2017-та

Ако во новата година решивте да внимавате малку повеќе на храната, тогаш ова се намирниците кои мора да ги вклучите во листата за 2017 година.

Ако минатата година тоа беа кељот и семето од чиа, оваа година веќе се појавија нови вкусни намирници кои го заземаат нивното место.

Некои од нив се стандардно зеленчук и овошје, но има и такви кои навистина ќе ве изненадат...

1. Семе од лубеница

Семето од лубеница е одличен извор на протеини, витамин Б, магнезиум и моно  и полизаситени масти. Следниот пат кога ќе јадете лубеница извадете го семето, испечете го и веќе имате здрав извор на хранливи вредности.

2. Активен јаглен

Активниот јаглен се користел уште одамна за отстранување на паразити и бактерии од телото. Тој исто така може да биде одличен додаток во вашите сокови, но и маски за лице и кожа.

3. Макуи

Чилеанските бобинки се одличен извор на витамин Ц и антиоксиданси кои им го даваат виолетовиот пигмент. Според многу истражувања речиси сите производи кои го имаат овој пигмент се одлични во забавувањето на процесот на стареење.

4. Масло од авокадо

Покрај маслиновото и кокосовото, ова е уште едно масло кое мора да го имате во кујната. Не само затоа што е кремасто и вкусно туку и затоа што содржи хранливи состојки како каротен, лутеин и витамин Е кои ќе направат вашата кожа да блеска.

5. Козјо месо

Иако веројатно не очекувавте месо на оваа листа, факт е дека козјото месо е одличен избор за здрава храна бидејќи содржи ниско ниво на масти и висок процент на протеини.

6. Желатин

Секако не зборуваме за желе бонбони, туку за многу поздрава варијанта на желатин. Тоа е главно желатин кој потекнува од коскена срж и може да се користи како додаток во многу оброци и десерти.

7. Виолетова храна

Храната со виолетова боја е многу богата со хранливи состојки кои навистина ќе му помогнат на вашето тело да биде силно и здраво. Дали ќе се одлучите за зелка, цвекло или боровинки останува на вас да одлучите. Секако изборот е навистина голем...

М. С. | Црнобело