Едноставни совети кои ќе ви помогнат да го промените односот кон храната

Веројатно досега сте го слушнале терминот „емоционално прејадување“, а можеби и вие сте „жртва“ на оваа појава. Кога се соочени со стрес, некои луѓе немаат апетит, а други пак, се прејадуваат.

За да избегнете ваков тип на прејадување и да ја одржите добрата линија и доброто здравје, прочитајте ги следниве совети со кои полесно ќе го промените односот кон храната за да можете да се опуштите и да уживате во оброците, без да се чувствувате виновно.

1. Трудете се да купувате свежи и квалитетни намирници, одгледани на природен начин.

2. Јадете полека и уживајте во секој залак.

3. Научете ја разликата помеѓу физички и емоционален глад. Ако не сте сигурни, напијте се чаша вода и ќе знаете дали сте гладни или само жедни.

4. Кога јадете полека, телото ќе има доволно време да испрати сигнали дека сте сити за да може полесно да ги контролирате порциите.

5. Обидете се да одолеете на храната кога сте на гости или некаде каде се послужува храна. Не мора да пробате сé што е ставено пред вас. Првиот пат е тешко, но потоа ќе се навикнете.

6. Бидете упорни и истрајни. Не можете да постигнете резултати преку ноќ. Менувањето на односот кон храната е процес.

М. В. | Црнобело