3 чекори за прочистување на телото во празничниот период , кое на сите ни е неопходно
Празничната сезона не им оди во прилог дури и на оние кои внимаваат на исхраната и изгледот во текот на целата година.
Тешко е да се одолее на вкусните новогодишни трпези, дојадувањето и постојаното одење од гости на гости каде „не смеете“ да одбиете кифлички, руска салата, мевце, торта...
Но, ако во овие неколку дена по Нова година веќе ви е смачено од јадење и гледате дека се чувствувате неудобно во сопственото тело, време е за прочистување.
Оние кои се похрабри и одлучни, ќе започнат со прочистувањето уште веднаш, а другите кои потешко може да одолеат на трпезите, нека ги запомнат чекорите за по божиќните празници.
Нутриционистката Џесика Сепел постојано споделува совети за здрав начин на живот, а според неа ова прочистување во 3 чекори ќе ви помогне за посјајна кожа, чистење на црниот дроб, враќање на енергијата, подобар сон и баланс на тежината.
Прв чекор – „прочистете“ ја исхраната
Првиот чекор за детоксикација на телото е правење промени во исхраната, односно неопходно е да ги исклучите целосно (или максимално да ги избегнувате) кафето, алкохолот, шеќерот, засладувачите, брашното, глутенот, црвеното месо и брзата храна.
Наместо тоа, хранете се со сезонски зеленчук, многу лисести зелени зеленчуци, свежо овошје (бобинки и јаболка), зрнеста храна без глутен (киноа, кафеав ориз, леќа), јаткасти плодови, риба со висок квалитет, органски јајца и пилешко месо.
Сончогледовото масло обидете се да го замените со кокосово или ладно цедено маслиново масло.
Втор чекор – создадете навики за здрав животен стил
Според нутриционистката има 6 навики кои треба да ги воведете во вашето секојдневие за да имате поздрав животен стил и празниците да „не ви можат ништо“:
1. Вежбајте барем 20-30 минути на ден и потете се за да поттикнете ослободување токсини.
2. Пијте 2-3 литри вода секој ден за бубрезите полесно да се ослободат од токсините.
3. Користете билки и зачини во исхраната, бидејќи му помагаат на телото во детоксикација.
4. Спијте по 8 часа за телото да закрепне и да регенерира нови клетки.
5. Практикувајте грижа за себе и контролирајте ги емоциите.
6. Дајте му на телото доволно витамини.
Трет чекор – „прочистете“ ја околината
Не е доволно само да исфрлите одредени производи од исхраната, потребно е целосно да живеете поздрав живот и околината во која се наоѓате да биде поздрава.
Купувајте органски производи, задолжително мијте ги овошјето и зеленчукот, користете хартиени кеси за чување храна, стаклени садови наместо пластични, инвестирајте во квалитетна филтрирана вода, користете природни козметички производи и продолжете со овие навики во текот на целата година.
М. М. | Црнобело
Би можело да ве интересира:
Препорачуваме
Најчитани неделава
