Традиционална брза храна од целиот свет што вреди да ја пробате

Кога патуваме, сите сакаме да ја пробаме традиционалната кујна на државата што сме ја посетиле. Но понекогаш немаме време или доволно пари за да седиме во ресторан и да порачаме цел оброк. 

За среќа, речиси секоја држава си има и своја традиционална брза храна. Повеќето од овие јадења сигурно ги имате пробано, но не заборавајте да ги пробате и во државата од каде што потекнуваат.

Пиероги, Полска

Не се знае точното потекло на ова јадење, па најчесто се смета дека потекнува од Централна и Источна Европа. Но моментално најпознати се полските пиероги.

Пиерогите се направени од тесто без квасец кое прво се вари, а потоа се пече или пржи со путер и кромид. Можат да бидат полнети со компир, мелено месо, сирење, па дури и овошје.

Суши

Веројатно денес нема личност којашто не пробала суши. Главната состојка на ова јадење е оризот, а во зависност од другите додатоци, постојат безброј видови.

Поради популарноста на ова јадење, денес можете да најдете суши за сечиј вкус – со лосос, со авокадо, со краставички, со ракчиња… Иако можеби ги имате пробано кај нас, доколку сте во Јапонија, немојте да ги одминете.

Пролетни ролнички, Кина

Во Азија можете да најдете многу видови пролетни ролнички во зависност од начинот на приготвување, видот на тестото и филот. Пролетните ролнички можат да бидат благи или кисели и печени или пржени. Најчесто се полнети со месо или зеленчук.

Бурито, Мексико

Буритото е можеби најпознатото мексиканско јадење, а веројатно и самите си имате направено. „Оригиналното“ мексиканско бурито е направено со тортилја која е малку запечена на скара и наполнета со грав и месо.

Денес низ целиот свет постојат разни видови бурито со додатоци како ориз, гвакамоле, домати, салса, марула и кашкавал.

Риба и помфрит, Велика Британија

Најпознатиот британски оброк се состои од пржена риба и помфрит, со малку сол и оцет. Денес сите туристи знаат дека овој оброк е неизбежен доколку сте во Англија и можете да го најдете на речиси секоја улица.

Уште 5 на следната страна...